Námskeið -  EMDR lotumeðferð

Viltu vinna dýpra með skjólstæðingum — og byggja upp sjálfbærara starf?

Margir meðferðaraðilar þekkja full bókaða viku, 50 mínútna viðtöl hvert á eftir öðru, lítið andrými og vaxandi þreyta - Kannastu við þetta? 
 

Lotumeðferð gerir þér kleift að vinna markvissar og dýpra með hverjum skjólstæðingi, á styttri tíma, og um leið byggja upp starf sem er faglega innihaldsríkt og sjálfbært til lengri tíma. Námskeiðið er fyrir þig ef þú vilt taka næsta skref — hvort sem það er að byrja að bjóða lotumeðferðir eða þróa núverandi þjónustu áfram.

Hvaða kunnáttu færð þú á námskeiðinu? 

Sex hagnýtir kaflar sem taka bæði á faglegri umgjörð lotumeðferða og klínískri færni innan EMDR:

​

1. Hugarfar og þitt „af hverju" — hindranir og skýr faglega sýn
    

2. Skipulag og umgjörð — RTEP-verklag, 8 fasar EMDR í lotuformi, gjaldtaka, skjalagerð, samningar
    

3. Markaðssetning og kynning — fagleg kynning, tengslanet, vefur og samfélagsmiðlar
    

4. Veftexti og klínísk færni I — vandaður veftexti, byggingarlegt líkan persónusundrunar, partavinna
    

5. Klínísk færni II — ASSYST, CIPOS, hvatningar-hugarfléttur, IFS-partavinna, DNMS
    

6. Klínísk færni III — GTEP fyrir hóplotur, bernskuáföll án orða, áframhaldandi þróun starfs

Fyrirkomulag

Lengd - 12 vikur (sept.–nóv. 2026)

Fundir - 7 Zoom-fundir, mánudaga kl. 18:00–20:00

Milli funda - 6 kaflar með myndböndum og heimavinnu (~1–2 klst./kafla)

Þátttakendafjöldi - Hámark 10

Verð - 350.000 kr. (2 greiðslur, 175.000 kr. hvor)

Skilyrði - Lokin EMDR grunnþjálfun og starfandi sem meðferðaraðili
 

• Heildartími námskeiðsins er um 35–40 vinnustundir: 14 klst. í Zoom-fundum, ~14 klst. í myndbandsefni og 6–12 klst. í heimavinnu.

• Zoom-fundirnir teljast jafnframt sem handleiðslutímar.

​

Borgar þetta sig? 
 

• ​Ein lota borgar upp allt námskeiðið – oft margfalt. Þegar þú metur virði þitt og kemur í verð fyrir þá umbreytingu sem þú skapar, þá skilar þessi fjárfesting sér strax. Þetta er í raun ekki flókið dæmi, þótt það geti virst stórt skref í fyrstu.
   

Hægt er að sækja um styrk í símenntunar- eða starfsþróunarsjóði.

Námskeiðið er fyrir þig ef þú:

• vilt færa þig að hluta eða öllu leyti yfir í lotumeðferðarform
   

• ert þegar að bjóða lotumeðferðir en vilt dýpka klíníska færni og skipulag
   

• leitar að sjálfbærara vinnufyrirkomulagi með minni áhættu á kulnun
   

• vilt kynnast verkfærum á borð við RTEP, ASSYST, CIPOS, GTEP og partavinnu innan lotuforms